2014年嘅無綫劇集《使徒行者》搵咗林峯、佘詩曼、許紹雄及苗僑偉主演,劇集成功掀起全城估臥底嘅熱潮,收視及口碑都非常之好。警匪劇一向都係無綫嘅救市之作,而臥底題材更加係收視嘅靈丹妙藥,真係萬試萬靈㗎!所以喺今年3月,無綫宣布開拍《使徒行者3》,仲搵咗林峯回巢再演爆seed。而劇集喺日前拍攝花絮,除咗有「爆seed」林峯、「歡喜哥」許紹雄、「卓凱」苗僑偉及「徐天堂」袁偉豪等人繼續孭飛之外,仲有喺《使徒2》大結局驚喜登場嘅馬國明。

同樣係「奧運六星」嘅林峯同馬國明,佢哋上一次嘅合作已經係2012年嘅劇集《回到三國》。馬國明今次以少有嘅灰髮造型登場,喺劇中會喺飾演陳豪嘅細路,今輯係要為哥哥報仇,相信同林峯會有唔少對手戲。唔少網民都話好期待佢哋嘅合作,相信會擦出唔少火花。